Parque Zoolóxico Marcelle Natureza

O pasado luns 23 de maio o alumnado do segundo nivel de educación primaria fomos de excursión ao Parque Zoolóxico Marcelle Natureza, situado na provincia de Lugo, concretamente en Outeiro de Rei.

Aínda que cando chegamos tivemos que baixar do autobús coa chaqueta posta, ao mediodía o día quixo acompañarnos cun sol radiante. 

Coñecimos un montón de animais diferentes así como algunhas das características máis relevantes de cada un deles.

Homenaxeando a Manuel María

O 20 de marzo de 1963, tres membros da Real Academia Galega (RAG) presentaron nesta institución unha proposta histórica: declarar o 17 de maio de cada ano como o "Día das Letras Galegas".

Estimaban que a celebración naquel ano do centenario da publicación de Cantares Gallegos de Rosalía de Castro supoñía un fito decisivo ao outorgarlle prestixo internacional a nosa fala como instrumento de creación literaria. 

Cincuenta e tres anos máis tarde e dende o noso centro educativo quixemos render un merecido homenaxe a Manuel María Fernández Teixeiro, máis coñecido como Manuel María, poeta, dramaturgo, narrador e persoeiro comprometido con Galicia. 

Xornadas de educación viaria

O pasado xoves 14 de abril tivemos a oportunidade de gozar dunha xornada de educación viaria organizada polo Concello de Valga.

A xornada dividiuse en dúas partes: unha primeira consistía nunha charla informativa sobre os aspectos máis relevantes de tráfico e a segunda parte tiña como finalidade a posta en práctica de ditos coñecementos sobre un circuíto no pavillón municipal.

Happy Easter Day

A sección bilingüe do noso centro educativo organizou o último venres do segundo trimestre unha xornada lúdica para festexar o Happy Easter Day. 

A organización da xornada viuse afectada por mor da climatoloxía, que este ano non nos quixo acompañar con bo tempo. Aínda así, as emocións e as ganas por participar e xogar non se viron minguadas. Iso si, decidimos aprazar o xogo final, que consiste na busca de ovos de pascua polo recinto escolar, e a entrega de premios para a volta das vacacións de Semana Santa.

E como xa sabedes, na nosa comunidade autónoma non hai festa que se prece que non conte cun elemento tan motivador como a gastronomía, por iso a media mañá fixemos un descanso para degustar unha exquisita rosca que se desfacía no noso padal.

Excursión a Santiago

"O tren que me leva pola beira do Miño,

me leva e me leva polo meu camiño.

O tren vai andando pasiño a pasiño

e vaime levando cara o meu destiño"

Seguro que moitos de vós coñecedes esta mítica canción de Xoán do Barro. Unha canción que leva por título "O tren" e que ven podería incluírse na banda sonora da obra de teatro que fomos ver ao Auditorio de Abanca en Santiago de Compostela.

A compañía de teatro Fantoches Baj presentounos un espectáculo musical que conta a historia do primeiro tranvía a vapor en Galicia, que unía Marín con Pontevedra. 

Ao longo do espectáculo fomos partícipes dalgunhas das cancións populares galegas máis coñecidas versionadas dende un estilo máis actual e comediante.

Día da Muller Traballadora

O día 8 de marzo está fixado no calendario escolar como o Día da Muller Traballadora. No noso colexio quixemos rendir un merecido homenaxe a todas as mulleres que día tras día se poñen a faenar por un futuro mellor. 

Son moitos os casos e as situacións: mulleres que traballan dentro e fóra da casa, mulleres que se ocupan do coidado dos máis cativos e, tamén, dos máis maiores, mulleres emprendedoras, mulleres con dupla ou tripla xornada laboral,... pero ao fin e ao cabo con un nexo en común: mulleres loitadoras. 

O Meco

Este martes puxemos o broche de ouro ao Entroido coa queima do Meco.
Previamente nas aulas elaboramos unhas coplas en ton de prostesta e con temática libre que limos en plena cerimonia.

As encargadas de ler as coplas foron:
- Nerea Pena Álvarez (2ºA)
- Leticia Bello Mariño (2º B)